सुवर्णादीनि रत्नानि बलीन् सर्वौषधीरपि || २-३-८ शुक्लमाल्यांश्च लाजांश्च पृथक्च मधुसर्पिषी | अहतानि च वासांसि रथं सर्वायुधान्यपि || २-३-९ चतुरङ्गबलं चैव गजं च शुभलक्षणम् | चामरव्यजने श्वेते ध्वजं छत्रं च पाण्डुरम् || २-३-१० शतं च शातकुम्भानां कुम्भानामग्निवर्चसाम् | हिरण्यशृङ्गमृषभं समग्रं व्याघ्रचर्म च || २-३-११ उपस्थापयत प्रातरग्न्यगारं महीपतेः |
suvarNaadiini ratnaani baliin sarvaushhadhiirapi || 2-3-8 shuklamaalyaaMshcha laajaaMshcha pR^ithakcha madhusarpishhii | ahataani cha vaasaaMsi rathaM sarvaayudhaanyapi || 2-3-9 chaturaN^gabalaM chaiva gajaM cha shubhalakshaNam | chaamaravyajane shvete dhvajaM chhatraM cha paaNDuram || 2-3-10 shataM cha shaatakumbhaanaaM kumbhaanaamagnivarchasaam | hiraNyashR^iN^gamR^ishhabhaM samagraM vyaaghracharma cha || 2-3-11 upasthaapayata praataragnyagaaraM mahiipateH |
Translation
"Gather the following in the sacred fire house of the king at dawn: gold and the like, diamonds, things needed to perform worship, various herbs, white floral garlands, corn, honey and clarified butter in separate vessels, new clothes, chariot, all weapons, the four divisions of army, an elephant with auspicious signs, white fan, flag staff, white umbrella, one hundred golden pots with brilliant shine, bull with gilded horns and a complete tiger skin".
Chapter context
Preparing for the Ceremony
41 verses · Verse 8 of 41
20% through chapter