सत्यवन्तं सत्यकीर्तिं धृष्टं रभसमेव च | प्रतिहारतरं नाम पराङ्मुखमवाङ्मुखम् || १-२८-४ लक्ष्यालक्ष्याविमौ चैव दृढनाभसुनाभकौ | दशाक्षशतवक्त्रौ च दशशीर्षशतोदरौ || १-२८-५ पद्मनाभमहानाभौ दुन्दुनाभस्वनाभकौ | ज्योतिषं शकुनं चैव नैराश्यविमलावुभौ || १-२८-६ यौगंधरविनिद्रौ च दैत्यप्रमधनौ तथा | शुचिबाहुर्महाबाहुर्निष्कलिर्विरुचिस्तथा सार्चिर्माली धृतिर्माली वृत्तिमान् रुचिरस्तथा || १-२८-७ पित्र्यः सौमनसश्चैव विधूतमकरावुभौ | करवीरकरं चैव धनधान्यौ च राघव || १-२८-८ कामरूपं कामरुचिं मोहमावरणं तथा | जृंभकं सर्पनाभं च पन्थानवरणौ तथा || १-२८-९ कृशाश्वतनयान् राम भास्वरान् कामरूपिणः | प्रतीच्छ मम भद्रं ते पात्रभूतोऽसि राघव || १-२८-१०

satyavantam satya kiirtim dhR^iShTam rabhasam eva ca | pratihaarataram naama paraa~Nmukham avaa~Nmukham || 1-28-4 lakShyaa alakshyaaH imau caiva dR^iDha naabha sunaabhakau | dashaakSha shatavak.htrau ca dasha shiirSha shata udarau || 1-28-5 padmanaabha mahaanaabhau dundunaabha svanaabhakau | jyotiSham shakunam caiva nairaashya vimalau ubhau || 1-28-6 yaugaMdhara vinidrau ca daitya pramadhanau tathaa | shuci baahur mahaabaahur niShkali virucar tathaa saarchirmaalii dhR^itimaalii vR^ittimaan ruchiraH tathaa || 1-28-7 pitryaH saumanasaH caiva vidhuuta makarau ubhau | paraviiram ratim caiva dhana dhaanyau ca raaghava || 1-28-8 kaamaruupam kaamarucim moham aavaraNam tathaa | jR^iMbhakam sarpanaatham ca panthaana varaNau tathaa || 1-28-9 kR^ishaashva tanayaan raama bhaasvaraan kaama ruupiNaH | pratiicCha mama bhadram te paatra bhuuto.asi raaghava || 1-28-10